Þar sem fjallalömbin beita

Það er fátt sem hleður mig meira

en að sjá íslenska handboltalandsliðið spila fallegan handbolta, og vinna! Unun og hamingja – þeir eru rosalegir!

Við erun núna komin í undanúrslit Evrópumótsins 2010. Við getum vel komist lengra, vonandi alla leið.

Árið 2009

Athugum fyrst að 2009 = 7 x 7 x 41 og að næsta ár sem inniheldur frumþáttinn 13 verður árið 2015. Nóg að hlakka til, sjáiði til.

En komum okkur að efninu. Fréttamenn Fjallsins hafa unnið hörðum höndum frá því í byrjun janúar að leita uppi markverðustu atburðina hverju sinni og eru núna í sameiningu búnir að taka saman það helsta frá liðnu ári.

• 24. apríl. Sveit Menntaskólans í Reykjavík sigrar sveit MH í einvígi um Íslandsmeistaratitil framhaldsskólasveita í skák.
• 25. apríl. Loksins, loksins verða breytingar í ríkisstjórnarmálum og loksins, loksins fær vinstri- og miðjustjórn tækifæri til að „redda málunum“.
• 26. júní. Fjórmenningaklíkan hittist enn á ný, nú á áður óþekktum slóðum inn á milli trjáa Hallormsstaðaskógar. Segja gamlir menn að aldrei hefur jafn gott djamm sést á þessum afskekkta stað Íslandsbyggðar í manna minnum.
• 26. júlí. Bjarni Jens Kristinsson klárar skákmótið í Helsingør, Politiken Cup 2oo9, með glæsilegum endaspretti og vinnur til sigaverðlauna í sínum stigaflokki og endar eftstur Íslendinga á þessu opna Norðurlandamóti.
• 13. september. Menntaskólinn í Reykjavík hampar Norðurlandameistaratitli í framhaldsskólaskák.
• 7. nóvember. Íslenska liðið sýnir prýðisgóðan árangur í Þrándheimi á Eystrasaltskeppninni í stærðfræði.
• 17. nóvember. Herra Jens eyðir deginum á ströndinni í Tyrklandi við Miðjarðarhafið.
• 19. desmber. UÍA og Alcoa Fjarðarál úthluta afreksmannastyrk til skákmannsins Bjarna Jens Kristinssonar úr styrktarsjóðnum Spretti.
• 24. desember. Jólin, börnin góð. Jólin.

Gleðilegt nýtt ár! Fjallið óskar þér og þínum gleði og gæfu á nýju ári!

Núna er

..STÆRÐFRÆÐI-HELGI!!

Djöfull er ég búinn að hlakka til!

Land mánaðarins

er Tyrkland. Í Asíu. Ekki í Evrópu.

Þar var ég að tefla á heimsmeistaramóti ungmenna í skák í U18 ára flokknum dagana 11.-23. nóvember. Mér gekk nokkuð vel, endaði með 5 vinninga af 11 sem er nokkuð gott. Je suis content.

Nokkrar myndir úr ferðinni.
Frétt skák.is frá mótinu.

Dropbox

Q: Hvað er Dropbox?

A: Tær snilld.

Read more »

Mót mánaðarins

er Norðurlandamót framhaldsskólasveita í skák, sem haldið var í síðustu helgi í Osló. Mótið vann Menntaskólinn í Reykjavík og óska ég Menntskælingum innilega til hamingju með Norðurlandameistaratitilinn!

Sjá
Heimasíðu Menntaskólans í Reykjavík
Frétt Skák.is
Heimasíðu mótsins í Noregi

Skóli mánaðarins

er Menntaskólinn í Reykjavík. Gamall en nýr, góður, betri og bestur, lítill en samt stór – Menntaskólinn í Reykjavík. Allt – í einum skóla.

Orð mánaðarins

Orð júlímánaðar er þróttkraftur. Þetta er sennilegast nýyrði en þetta er fallegt orð og segir margt. Það felur bæði í sér merkingu þróttar og kraftar – sameinað í eitt orð. Það besta úr báðum áttum – sameinað í eitt orð. Allt – í eitt orð.

Útborgun launa

er á morgun. Loksins kominn tími til að vera ríkur.

Föll

Ég hugsa stundum um fólk sem föll.

Með falli f er átt við forskrift eða reglu sem til hvers staks x í rauntalnamenginu Dm(f) lætur svara nákvæmlega eitt stak f(x) R. Þá kallast Dm(f) formengi fallsins en f(x) kallast fallgildi f í x. Varpmengi falls f er mengi allra fallgilda þess og er táknað Vm(f), þ.e.
Vm(f) = { yR | xDm(f): y=f(x) }

Hver manneskja er sérstök og engar tvær eru eins svo það eru engin tvö föll eins. Það sem ég geri og segi við aðrar manneskjur er þá formengi fallsins. Ég er alltaf ég svo í megindráttum fá öll föll sömu x-in frá mér en þar sem hver manneskja er frábrugðin hver annarri fæ ég ekki alltaf sömu fallgildin, f(x), tilbaka. Ef x=”Hæ!” get ég fengið svör f(x) á bilinu f(x)["Hæ sæti... " ; "Fokkaðu þér!"]. Fólk er jú misjafnt.

Þá eru föllin með mismargar rætur.

Tala rR kallast rót eða núllstöð í margliðu P(x) ef P(r)=0.

“r”-in eru þá e-jir töfrafrasar til að ná fullkomlegu valdi á manneskjunni eða “núllað” hana út. Ræturnar eru jafn ólíkar og föllin sjálf. Það er varla að ég þekki mínar eigin rætur, hvað þá annarra manna.
Gröf fallanna væri þá persónuleikinn.

Graf falls f er mengi sem táknað er Gf og skilgreint með
Gf = { (x,y) | xDm(f) ∧ yVm(f) }

Ef maður þekkir allt grafið gæti maður sagt með fullkomnri vissu hvert fallgildi f í x=”Hæ!” væri – og allra annarra. Enn fremur þekkti maður allar rætur og maður hefði fullkomna stjórn á fallinu. Rétt eins og þekkja rétt nafn manns í Eragon bókunum.

Stærðfræði er nákvæm en lífið er kaos. Stærðfræði er svört og hvít en lífið er grátt. Stærðfræði er rétt en lífið er rangt.

Í stærðfræði er hægt að fá 10 og það er hægt að falla. En hvorugt er hægt í lífinu.